Moskva “Spartak”ının yarımmüdafiəçisi Jedson Fernandes Türkiyəyə qayıda bilər.
Sportinfo.az “Turkinform”-a istinadən xəbər verir ki, “Qalatasaray” portuqaliyalı üçün “Spartak”a 10 milyon avro təklif edib.
Bildirilir ki, Fernandes də Türkiyəyə qayıtmağa müsbət yanaşır və “cim-bom”a keçməyə hazırdır.
27 yaşlı yarımmüdafiəçi ötən ilin yayında “Beşiktaş”dan “Spartak”a transfer olunub. O, Moskva klubunda keçirdiyi 41 matçda 6 qol vurub və 4 məhsuldar ötürmə verib.
Onun “Spartak”la müqaviləsinin müddəti 2029-cu ilin ortalarına qədərdir.
