“Qalatasaray”ın sabiq vingeri Henri Onyekuru Türkiyəyə qayıdıb.
Sportinfo.az xəbər verir ki, Superliqaya yüksələn “Gənclərbirliyi” nigeriyalı legioneri heyətinə cəlb edib.
Bu barədə klubun mətbuat xidməti məlumat yayıb.
28 yaşlı futbolçu ilə imzalanan müqavilənin detalları barədə məlumat verilməyib.
Henri Onyekurunun son klubu Səudiyyə Ərəbistanında “Əl-Fəyha” olub. O, 2018/2019 və 2020/2021 mövsümlərində “Qalatasaray”da oynayıb.
