Türkiyə klublarının Konfrans Liqasının pley-off mərhələsindəki potensial rəqibləri məlum olub.
Sportinfo.az xəbər verir ki, “Beşiktaş”ın Azərbaycan təmsilçisi “Neftçi” ilə təşkil etdiyi cütün qalibi növbəti mərhələdə “Dinamo” (Kiyev, Ukrayna) – “Aris” (Yunanıstan) duelinin güclüsü ilə qarşılaşacaq.
“Fənərbaxça” Sloveniya “Maribor”unu keçsə, “Tvente” (Niderland) – “Riqa” (Latviya) cütünün qalibi ilə görüşəcək.
“Adana Dəmirspor” isə Xorvatiyanın “Osiyek” klubunu üstələsə, Avropa Liqasının 3-cü təsnifat mərhələsinin “Olimpiakos” (Yunanıstan) – “Genk” (Belçika) cütünün məğlubu ilə qarşılaşacaq.
Pley-off mərhələsinin oyunları 24-31 avqustda keçiriləcək.
