"Qalatasaray"ın qapıçısı Fernando Muslera növbəti mövsümün sonunda komandadan ayrılacaq.
Sportinfo.az xəbər verir ki, bu barədə İstanbul təmsilçisinin vitse-prezidenti Erdem Timur məlumat verib.
Klub rəsmisi 2023/2024 mövsümünün uruqvaylı qolkiper üçün sonuncu olacağını bildirib:
"Muslera 13 ildir "Qalatasaray"dadır. O, klub tarixinin ən önəmli fiqurlarındandır. Bu mövsüm onun üçün sonuncudur. Hər futbolçu yaşı artdıqca gələcəyi ilə bağlı planlar qurur".
"Qalatasaray" Fernando Musleranı 2011-ci ilin yayında "Latsio"dan transfer edib. 37 yaşlı qolkiper "sarı-qırmızılar"ın heyətində 457 rəsmi matçda meydana çıxıb.
