![UEFA inspektoru Tovuzda oldu, "Turan"ın stadionuna baxış keçirdi](https://www.sportinfo.az/media/2024/04/18/197413_cd6vcqabpx.jpg)
UEFA stadion inspektoru Nebojsa İvkoviç və AFFA nümayəndəsi Tovuz şəhər stadionunda olublar.
Sportinfo.az "Turan Tovuz"un mətbuat xidmətinə istinadən xəbər verir ki, 4 saatdan çox çəkən baxışdan sonra serbiyalı funksioner stadionun müvafiq kateqoriyaya yiyələnməsi üçün UEFA-nın tələblərini çatdırıb, tapşırıq və tövsiyələrini verib.
Onun iştirakı ilə keçirilən iclasda stadionun müasir standartlara cavab verməsi üçün görüləcək işlərlə bağlı geniş fikir mübadiləsi aparılıb, gələcək planlar müzakirə olunub.