Təxirə salınma variantı nəzərdən keçirilir - Tokio-2020-nin

22 Mart 21:00 Tokio-2020 200
Təxirə salınma variantı nəzərdən keçirilir - Tokio-2020-nin

Tokio-2020 Yay Olimpiya Oyunlarının təşkilatçıları olimpiadanın koronavirus pandemiyası ilə əlaqədar daha gec tarixə təxirə salınması istiqamətində mümkün variantları nəzərdən keçirməyə başlayıblar.

Sportinfo.az xəbər verir ki, bu barədə "Reuters" agentliyi vəziyyətlə tanış olan iki mənbəyə istinadən məlumat yayıb.

Mənbələrdən biri onlardan Oyunların təxirə salınma halına simulyasiya etməyin xahiş olunduğunu söyləyib. Digəri isə deyib: "Biz alternativ planlar üzərində işləyir, təxirəsalmanın müxtəlif müddətlərini öyrənirik".

Təşkilatçıların olimpiadanın azarkeşsiz keçirilmə variantını da nəzərdən keçirdikləri bildirilir. Hərçənd, daha əvvəl Beynəlxalq Olimpiya Komitəsi (IOC) əvvəllər belə variantı təkzib edib. Yekun qərarı da IOC verəcək. Amma bu qurum Yaponiyanın tələblərini də nəzərə almağa çalışacaq.

Tokio-2020 24 iyul - 9 avqustda keçiriləcək. Koronavirus pandemiyası ilə əlaqədar bütün böyük yarışlar ləğv olunub və ya təxirə salınıb.

Xəbər Lenti