![Bakı və İrəvana çağırış etdi](https://www.sportinfo.az/media/2024/03/28/10-pic_32ratio_900x600-900x600-589.jpg)
“Biz tərəfdaşlarımızı siyasi iradə nümayiş etdirməyə və üçtərəfli işçi qrup da daxil olmaqla yaradılmış üçtərəfli formatlar arasında qarşılıqlı fəaliyyəti bərpa etməyə çağırırıq”.
Bunu Rusiya XİN-in rəsmi nümayəndəsi Mariya Zaxarova bu gün brifinqdə deyib.
“Biz tərəfləri bu mövzuda maksimum təmkinli olmağa və aqressiv ritorikadan çəkinməyə çağırırıq. Bütün ərazi mübahisələri və qarşılıqlı iddialar müstəsna olaraq siyasi-diplomatik yolla və yalnız siyasi-diplomatik üsullarla həll edilməlidir.
Bu kimi məsələlər, o cümlədən anklavların qaytarılması və dəyişdirilməsi Azərbaycan-Ermənistan sərhədinin delimitasiyası üzrə ikitərəfli komissiya çərçivəsində həll olunmalıdır.
Biz öz tərəfimizdən Rusiyada mövcud olan unikal kartoqrafik materialları və təcrübəni nəzərə alaraq bu işə maksimum köməklik göstərməyə hazırıq”, - o qeyd edib.