COP29

“Türkiyə Laçın yolu mövzusunda uzun müddətdir davam edən müzakirələri yaxından izləyir"

15 Avqust 2023 07:10 Sizdən Bizə 477
“Türkiyə Laçın yolu mövzusunda uzun müddətdir davam edən müzakirələri yaxından izləyir"

“Türkiyə Laçın yolu mövzusunda uzun müddətdir davam edən müzakirələri yaxından izləyir və Azərbaycanın bu mövzu ilə bağlı haqlı narahatlıqlarını anlayır”.

Bu barədə Türkiyə XİN-in yaydığı bəyanatda deyilir.

“Təəssüflər olsun ki, Azərbaycanın uzun müddətdir dilə gətirdiyi bu narahatlıqlar diqqətə alınmayıb və nəticədə Azərbaycan öz suveren haqları çərçivəsində uyğun bildiyi tədbirləri görüb. Türkiyə Laçın yolu mövzusunda Azərbaycana qarşı tənqidlərin əsasının olmadığı qənaətindədir. Hazırda Laçın yolundan tibbi məqsədli keçidlərin təmin edilməsi, eləcə də məhsulların daşınması üçün uyğun olan digər marşrutların təsis edilməsi Azərbaycanın maksimum səy nümayiş etdirdiyini göstərir”, - deyə bəyanatda qeyd olunub.

Həmçinin bildirilib ki, Türkiyənin Ermənistandan gözləntisi ölkənin təxribatlardan çəkinməsi, Azərbaycanın ərazi bütövlüyünü və suverenliyini tanıması, Qarabağda olan erməni əhalinin ehtiyaclarının qarşılanması üçün Ağdam-Xankəndi və digər alternativ yollardan istifadə olunmasına, eləcə də erməni əhalinin Azərbaycana reinteqrasiya prosesinə dəstək verməsidir.

Digər Xəbərlər
Xəbər Lenti