İsveç “Yurqorden”inin kapitanı Maqnus Erikson komandanın futbolçusu Musa Qurbanlı haqda danışıb.
Sportinfo.az "Fotbollskanalen"ə istinadən xəbər verir ki, o, Konfrans Liqasının 2-ci təsnifat mərhələsində "Lütsern"ə 1:2 hesabı ilə uduzduqları ilk matçda Azərbaycan millisinin hücumçusunun oyunu ilə bağlı deyib:
"Musa bu oyunda çox yaxşı təsir bağışladı. Musa cərimə meydançasında sürətli olduğu üçün qollarını vuracaq.
Düzdür, “Lütsern”lə qarşılaşmada qola ehtiyacımız var idi. Ancaq qollar gələcək".
Sözügedən görüşdə M. Eriksonun ötürməsindən sonra M.Qurbanlı yaxın məsafədən topu başla qapıya göndərə bilməyib.
