"Hazırkı gedişat ümidsizlik yaradır. Klubdan deyilib ki, məşqlər başlaya da bilər, başlamaya da bilər.
Dövlətin qarşıdakı günlərdə karantin rejimində yumuşalmalar etməsi gözlənilir. Ona görə bir az ümid var"
Bu sözləri Sportinfo.az-a açıqlamasında "Səbail"in hücumçusu Rauf Əliyev deyib.
Əliyev bu qədər fasilədən sonra əvvəlki formanı qaytarmağın çətinliyini dilə gətirib: "Formamızı bərpa etmək üçün minimum 3 həftə vaxt lazım olacaq. Məşq edirik, amma evdəki hazırlıqla stadiondakı eyni deyil. Ona görə də çətinlik olacaq"
Əvəzetmə sayının 3-dən 5-ə qaldırılması haqda isə "Səbail"in hücumçusu bunları deyib: "Bu ümumi verilən qərardı. Yəqin ki, hər şeyi düşünüb bu qərarı veriblər. Bu qədər fasilə müddətindən sonra zədələr ola bilər. Əvəzetmələr oyunun vaxtını çox aparmayacaqsa, mən sayının artırılmasının tərəfdarıyam".
