.jpg)
“Sabah”ın həm müdafiədə, həm hücumda yaxşı oyunçuları var.
Düşünürəm ki, ilk növbədə oyuna nəzarəti ələ almalıyıq".
Sportinfo.az xəbər verir ki, bu sözləri UEFA Konfrans Liqasında Konfrans Liqasının 3-cü təsnifat mərhələsinin ilk oyunu çərçivəsində "Sabah"la qarşılaşacaq “Sent Patriks”in baş məşqçisi Stefan Kenni deyib.
İrlandiya klubunun çalışdırıcısı "Sabah"ın güclü rəqib olduğunu, ancaq müdafiə olunmaq fikirlərinin olmadığını bildirib:
"Müdafiədən oynamaq fikrimiz yoxdur. Düzdür, bəzən güclü komandalar sizi tez-tez arxada qalmağa məcbur edir və müdafiə olunursunuz.
Bu oyunda da bəzi anlarda belə olacağını düşünürəm. Amma ümumilikdə müdafiəyə çəkilməyi fikirləşməyəcəyik. Hücum üstünlüyü yaratmağa çalışacğıq".
S.Kenni "Sabah"ın çox yaxşı heyətə malik olduğunu vurğulayıb:
“Sabah”ın maraqlı oyunçu profili var. Onların dörd hücumçusu Slovakiya, Yamayka, Almaniya və Nigeriyadan, yarımmüdafiə xəttindəki Xorvatiyadan, müdafiədə isə ispan futbolçu yer alır.
Onların kluba sərmayə qoyduğu göz qabağındadır. "Sabah"ın hücum xətti çox yaxşı və istedadlı futbolçulardan təşkil olunub".
“Sent Patriks” – “Sabah” oyunu Bakı vaxtı ilə saat 22:45-də start götürəcək.
