Ozan Can Kökçünün Azərbaycan günləri başa çatıb.
Sportinfo.az-ın məlumatına görə, gənclər yığmasının keçmiş yarımmüdafiəçisi "Sabah"dan ayrılıb.
O, karyerasını bundan sonra doğulduğu və futbolda ilk addımlarını atdığı Niderlandda davam etdirəcək. II Liqala mübarizə aparan "Telstar"la anlaşan futbolçu 2 illik müqaviləyə imza atacaq.
Bunun üçün sadəcə, "Sabah"ın Özan Cana azad agent statusu verməsi kifayətdir. Bu məsələ də ən qısa müddətdə həllini taapmalıdır. Hər halda hazırda iki klub arasında danışıqlar finiş mərhələsindədir.
Kökçünün ailə üzvləri Niderlandda yaşayır. Onun qardaşı Orkun Kökçü "Feyenord"da çıxış edir. Ozan Can ötən həftə Niderlandda məhdud çərçivədə özünə azərbaycanlı xanımla toy edib.
