Region Liqasında finalçılar məlum olub.
İki debütant komanda kuboku qazanmaq üçün üz-üzə gələcək.
Bunlar vaxtilə «Xəzər Lənkəran»da çiyin-çiyinə çıxış etmiş Vüqar Nadirovla Tural Cəlilovun çalışdırdığı kollektivlərdir.
Nadirovun sükanı arxasında dayandığı «Hypers» yarımfinal mərhələsində «Ümid»lə qarşılaşıb. Onlar Saatlı təmsilçisinə 2 cavabsız qolla qalib gəliblər.
Cəlilovun həm oyunçu, həm də məşqçi kimi xidmət etdiyi «Şimal» isə «Göyəzən»i mübarizədən kənarlaşdırıb. Xaçmazlılar Şahlar Sadıyevin dublu sayəsində Qazax komandasını 2:0 üstələyib.
Yarışın həlledici görüşü mayın 24-də, saat 16:00-da Şamaxı şəhər stadionunda keçiriləcək.
SPORTİNFO.AZ
