Bir qədər öncə xəbər verildiyi kimi, Premyer Liqada daha bir oyun təxirə salınıb.
11-ci turun sabah keçirilməli olan “Sumqayıt” - “Qəbələ” oyunu baş tutmayacaq.
Buna koronavirusa yoluxan bəzi futbolçuların yenidən testdən keçəcəyi səbəb göstərilir. Qeyri-müəyyən müddətə təxirə salınan oyunun tarixi ilə bağlı qərarı Peşəkar Futbol Liqası tərəfindən veriləcək
Burada mövzu “Qəbələ“dir. Redaksiyamıza daxil olan məlumata görə, əyalət klubunun 10-a yaxın üzvündə bu xəstəliyin əlamətləri aşkarlanıb.
Konkret adlara gəlincə, 5 futbolçunun ilkin testi pozitiv çıxıb və onlar təcili karantinə alınıb. Ceyms Aleniyi, Merab Qiqauri, Murad Musayev, Ülvi İsgəndərov və Rasim Ramaldanov həkim nəzarətinə götürülüb.
“Qırmızı-qaralar“ın digər təmsilçiləri isə bu gün Peşəkar Futbol Liqasının istəyi üzərinə xəstəxanalardan birinə müraciət edib.
SPORTİNFO.AZ
.jpg)
