"Qəbələ"nin qızları "qan-qan" deyir

20 Fevral 11:06 Qəbələ 404
"Qəbələ"nin qızları "qan-qan" deyir

“Qəbələ”nin futbol akademiyasının komandaları AFFA-nın təşkil etdiyi liqalarda növbəti oyunlarını keçirib.

Sportinfo.az xəbər verir ki, Gənclər Liqasında mübarizə aparan U-19 “Səbail”i qəbul edib. İki cavabsız qol vuran “qırmızı-qaralar” görüşdən üç xalla ayrılıb.

Öz meydanında “Keşlə” ilə görüşən U-17-nin matçının taleyini bir qol həll edib. Bu top komandaya qələbə qazandırıb.

U-16 evdə “Mil-Muğan”la qarşılaşıb və böyükhesablı qələbə qazanıb – 3:0. U-15 Liqasında çıxış edən “Qəbələ” eyni hesabla səfərdə “Sabah”a qalib gəlib. Qızlar arasında Yüksək Liqada isə “Qəbələ” “Keşlə”ni məğlubiyyətə uğradıb – 5:1.

Paytaxt zonasında mübarizə aparan U-14 “Səbail”lə qarşılaşmadan xalsız ayrılıb – 0:1. Digər komandalar isə Şimal-Qərb və Qarabağ regionunun Qəbələ zonasında növbəti oyunlarını keçirib.

U-12 Liqasında “Qəbələ” UGİM-ə (Mingəçevir) üç, UGİM (Qəbələ) UGİM-ə (Oğuz) bir cavabsız qolla qalıb gəlib. “Qırmızı-qaralar” U-11 Liqasında da UGİM (Mingəçevir) üzərində böyükhesablı qələbə qazanıb – 8:1. Eyni rəqiblərin U-10 Liqasındakı görüşündə 8 qol vurulub. Komanda 5:3 hesabı ilə qalib gəlib.

Digər Xəbərlər
Xəbər Lenti
2 Aprel 23:30 SMS-lər pulsuz olacaq