"Qurban Qurbanovu təbrik elədim ki, "Qarabağ"ı udmaq çətindir"

2 Dekabr 2023 08:20 Qarabağ 962
"Qurban Qurbanovu təbrik elədim ki, "Qarabağ"ı udmaq çətindir"

Xəbər verdiyimiz kimi, “Molde” Avropa Liqası qrup mərhələsinin 5-ci turunda doğma meydanda “Qarabağ”la 2:2 hesablı heç-heçə edib.

Sportinfo.az xəbər verir ki, Norveç təmsilçisinin baş məşqçisi Erlinq Moe matç haqda sualları cavablandırıb:

- Nə Bakıda, nə də Norveçdə "Qarabağ"a qalib gələ bildiniz. Buna nə mane oldu?

- Bakıdakı oyunda "Qarabağ" bizdən daha yaxşı perfromans göstərmişdi. Ona görə qalib gəldilər. Amma bu gün 90 dəqiqə daha yaxşı tərəf biz idik. Komandamla fəxr edirəm. "Qarabağ" çox güclü komandadır. Onlara qarşı çox yaxşı performans göstərdik. Oyunçularıma təşəkkür edirəm. Bu performansı "Bayer"ə qarşı göstərməyə çalışacağıq.

- "Qarabağ"ın Avropa Liqasında uğurlu çıxışını istəyərdiz?

- "Qarabağ"ı hələ təbrik etməyəcəm. Çünki şansımız var. "Bayer"lə matçımız olacaq. "Qarabağ" çox yaxşı komandadır. Önəmli odur ki, növbəti mərhələdə "Qarabağ" və ya bizə rəqib kim düşəcək.

- Matçdan sonra Qurban Qurbanovu təbrik etdiniz...

- Bəli, əlini sıxdım. Uzun illərdir ki, "Qarabağ"a baş məşqçilik edir. Onu təbrik edirdim ki, "Qarabağ"ı udmaq çətindir. Ona uğurlar arzuladım.

Digər Xəbərlər
Xəbər Lenti
28 Fevral 08:20 "Qarabağ"dan dördü...