Kevin Medina “Qarabağ”ın heyətində 200-cü oyununu keçirib.
Sportinfo.az PFL-in saytına istinadən xəbər verir ki, kolumbiyalı müdafiəçinin yubileyi Misli Premyer Liqasının 29-cu turunun “Neftçi” ilə görüşünə (5:1) təsadüf edib. O, 200 matçda 6 qola imza atıb.
Bu görüş Kevinin çempionatda 117-ci (3 qol) oyunu olub. O, avrokuboklarda 69 (3 qol), ölkə kubokunda 14 dəfə meydana çıxıb.
Cənubi amerikalı 2020-ci ilin yayından “Qarabağ”da forma geyinir.
