"Qarabağ"ın hücumçusu Redon Cica yeni komanda axtarışına çıxıb.
2023-cü il yanvarın 24-də Ağdam klubu ilə müqavilə imzalayan albaniyalı qış fasiləsində icarəyə verilməsini istəyir.
Son vaxtlar əsas heyətə düşməyən legioner Türkiyə, Polşa və Yunanıstandan gələn təklifləri gözdən keçirir.
Zamanında "Laçi" və "Tirana"nın formasını geyinmiş gənc forvardun arzusu yenidən ölkəsinin əsas millisinə dəvət almaq və AVRO-2024-ün final mərhələsində iştirak etməkdir.
Cica əmindir ki, belə davam eləsə, yığmanın məşqçi korpusu ona şans verməyəcək.
Onun "Qarabağ"la kontraktı 2026-cı ildə, iyunun 30-da bitəcək.
SPORTİNFO.AZ
