Türkiyə mətbuatı "Qarabağ"ın futbolçusu Ovusu Kvabena haqda növbəti məlumatı yayıb.
Sportinfo.az "haberlisin.com"a istinadən xəbər verir ki, "Sakaryaspor" qanalı hücumçunun transferində israrlıdır.
Xəbərdə qeyd olunub ki, Ağdam klubu Ovusu üçün qarşı tərəfdən 300 min avro tələb edib. 1-ci liqa təmsilçisi isə futbolçunu daha aşağı məbləğə almaq istəyir.
O.Kvabena ötən mövsüm icarə əsasında "Ankaragücü"ndə (Türkiyə) oynayıb. 25 yaşlı hücumçu iyunun 13-də "Qarabağ"ın düşərgəsinə qayıdıb.
O, 2020-ci ildən Ağdam təmsilçisində çıxış edir.