"Adama təsir edən odur ki, heç yerə çıxmağa icazə yoxdur"

26 İyul 15:20 Problem 294
"Adama təsir edən odur ki, heç yerə çıxmağa icazə yoxdur"

Yaponiyada Olimpiya oyunları davam edir. Amma deyəsən, olimpiya oyunlarının təşkili yüksək səviyyədə deyil.

Sportinfo.az xəbər verir ki, idmançılar təşkilatçılıqdan narazıdırlar.

Özü də həm oyunların təşkilindən, həm də olimpiya kəndindəki durumdan.

Məsələn, rusiyalı üzgüçü Yuliya Yefimova 100 metr brass üsulu ilə yarışın finalına adlasa da, narazılığını bildirib.

O, yarışın səhər saatlarında yox, axşamlar keçirilməsini istəyir. Yiliya bildirib ki, üzgüçülər üçün səhər saatlarında yarışmaq uyğun hesab olunmur, sürət aşağı olur.

Yuliya olimpiya kəndindəki şəraitsizlikdən də gileylənib: “Adi kəndir, özü də kiçik. Burda nə edəcəyimizi bilmirik.

Otaqlar da kiçikdir, tavan da çox alçaqdır. Yalnız bir yeməkxana var. Olimpiya kəndində suvenir mağazası var, amma orda heç nə satılmır.

Adama təsir edən odur ki, heç yerə çıxmağa icazə yoxdur. Bir çox idmançıları turnirdən kənarlaşdırıblar. Bu da ədalətsizlikdir”.

Digər Xəbərlər
Xəbər Lenti
26 Sentyabr 14:40 "Qarabağ"a qayıtdılar