“Sabah”a göz açmağa necə imkan vermirlər?

17 May 11:20 Premyerliqa 558
“Sabah”a göz açmağa necə imkan vermirlər?

Azərbaycan Premyer Liqasında lehinə və əleyhinə ən çox penalti təyin olunan klublar bəlli olub.

Sportinfo.az xəbər verir ki, arxada qalan 27 turda ümumilikdə 41 belə zərbə təyin edilib.

Onlardan 30-u qolla nəticələnib. 11 penalti isə qola çevrilməyib.

Hakimlər “Qarabağ”ın xeyrinə daha çox – 9 belə cərimə zərbəsi verib. Amma ağdamlılar bunun az qala yarısından yararlanmayıb.

Çempionatın liderini izləyən “Sumqayıt”da da zərbələrdən istifadə bərbad sayılır. Onlar 8 penaltidən üçünü qaçırıb.

Penaltidən ən çox qol vuran “Neftçi”dir. Bakılılar 100 faizlik nəticə göstərən üç komandadan biridir. Digər iki klub – “Zirə” və “Qəbələ” nadir hallarda belə şans qazanıb. Sonuncular “Keşlə” kimi cəmi bir imkan əldə edib. Amma paytaxt təmsilçisi bu şansı qaçıraraq penaltidən qol vurmayan yeganə komanda olaraq qalır.

Penalti vuranlar
1. “Qarabağ” – 9 (4)
2. “Sumqayıt” – 8 (3)
3. “Neftçi” – 7
4. “Səbail” – 7 (1)
5. “Sabah” – 6 (2)
6. “Zirə” – 2
7. “Qəbələ” - 1
8. “Keşlə” – 1 (1)

Ən çox cəzalanan isə “Sabah”dır. Bakılılar həm də daha çox - 6 qolu 11 metrlik nöqtədən buraxıb.

6 dəfə cəzalanan “Zirə”nin cəmi 2 top buraxması diqqət çəkir. “Səbail”lə “Qarabağ”ın qapısına təyin edilən hər penalti qolla nəticələnib.

Penalti ilə cəzalanan
1. “Sabah” – 7 (1)
2. “Neftçi” – 6 (1)
3. “Zirə” – 6 (4)
4. “Keşlə” – 6 (2)
5. “Səbail” – 5
6. “Qəbələ” – 5 (2)
7. “Qarabağ” – 3
8. “Sumqayıt” – 3 (1)

Digər Xəbərlər
Xəbər Lenti
23 İyun 13:40 Kapitan 1 il də qaldı