"Hər futbolçu ölkə xaricində oynamaq istəyir".
Sportinfo.az xəbər verir ki, bu açıqlama "Neftçi"nin albaniyalı legioneri Bruno Telüşiyə aiddir.
O, İtaliyanın "Virtus Entella” (2007-2011), Albaniyanın "Flamurtari” (2011-2017), "Partizani” (2018-2020), "Kukesi” (2020) və Xorvatiyanın "Slaven Belupo” (2017) klublarında çıxış edib,
Albaniya kubokunun (2014), çempionatının (2019) və Superkubokunun (2020) qalibi olub. Teluşi Albaniyanın U-17 (2006-2007) və U-21 (2011-2012) milli komandasının da şərəfini qoruyub.
Bakı klubu ilə mövsümün sonunadək müqavilə imzalayan dayaq yarımmüdafiəçisi Azərbaycanı seçməsinin səbəbi barədə danışıb: ”Bu, irəliyə doğru böyük addım atmaq və özünü göstərmək üçün fürsətdir.
Mən də bunu istəyirəm. Arzuma çatdığım üçün şadam. Karyeramda irəliləmək şansım var. Çox yaxşı komandaya gəlmişəm. Özümü rahat hiss edirəm".
