"Neftçi"nin baş məşqçisi Yuri Vernidub klubun transfer çalışmalarını davam etdirməsini istəyib.
Paytaxt təmsilçisindən aldığımız məlumata görə, ukraynalı çalışdırıcı tezliklə daha 3 oyunçunun alınmasında maraqlıdır.
Ötən ilin dekabrından bəri burada işləyən ukraynalı onlara dair raport hazırlayıb.
Yaxınlarda müqavilə müddətini 2 il uzatmış mütəxəssis müdafiə, yarımmüdafiə və hücum xəttinə yeni "qan" vurulmasına tərəfdardır.
Konfrans Liqasında iştirak edəcək bakılılar bu yay 1 yerli və 3 əcnəbi ilə güclənib.
Rüfət Abbasov "Şamaxı"dan geri qaytarılıbsa, Qustavo Klisman (“Santa Klara”, Portuqaliya), Endryu Qravilyon (son klubu "Peksara" İtaliya) və Lyubomir Tupta (AEL, Yunanıstan) ilk dəfə ağ-qara formanı geyinmək fürsəti qazanıb.
Gedənlərlərin siyahısı isə hələlik 5 nəfərlə məhdudlaşır. Vensan Abubakar, Edvin Kuç, Kristian Kostin, Murad Məmmədov və Cordan Rezabala düşərgəni tərk edib.
SPORTİNFO.AZ
