.jpg)
"Bu matçdakı kimi qol şansları yaratsaq, "Neftçi" ilə cavab görüşündə daha yaxşı işlər görəcəyik".
Sportinfo.az xəbər verir ki, bunu "Rapid"in (Vyana) lideri Qvido Burqştaller evdə Lustenau "Austriya"sı ilə 1:1 heç-heçə etdikləri Avstriya Bundesliqasının III tur matçından sonra deyib.
33 yaşlı hücumçu karyerasında bəzən çətinliklər çəkdiyini bildirib: "Ancaq biz indi də bunun öhdəsindən gələcəyik".
"Neftçi" Konfrans Liqasının III təsnifat mərhələsinin Bakıdakı ilk qarşılaşmasında "Rapid"ə 2:1 hesabı ilə qalib gəlib. Komandalar arasında cavab matçı avqustun 11-də Vyanada keçiriləcək.
