.jpg)
“Neftçi”nin futbolçusu Mamadu Kanenin üzü gülür.
Səbəb ölkəmizdə legioner həyatı yaşayan futbolçunun şərəfini qoruduğu Qvineya millisinin Afrika Millətlər Liqasının 1/8 final mərhələsinə yüksəlməsidir.
Sportinfo.az xəbər verir ki, B qrupunda yer alan qvineyalılar Malavini 1:0 hesabı ilə məğlub etdikdən sonra Seneqalla qolsuz bərabərə qalıb.
Qrupun son görüşündə Zimbabveyə məğlub olmasına baxmayaraq (1:2), Qvineya seçməsi 4 xalla növbəti mərhələyə adlayıb.
Kanenin komandası yanvarın 24-də 1/8 final mərhələsinin matçına çıxacaq. Qvineya bu səddi də aşa bilsə,1/4-də daha bir oyun keçirəcək.
Bu isə o deməkdir ki, 24 yaşlı yarımmüdafiəçi bu ayın sonuna qədər Samir Abasovun sərəncamında ola bilməyəcək. Hətta “Neftçi”linin millisi Afrika Millətlər Liqasındakı mübarizəni yanvarın 24-də dayandırsa belə, Mamadu dincəlmək üçün bir neçə gün vaxt istəyəcək.
Kane qrup mərhələsində Malavi və Zimbabveyə qarşı oyunlarda 90 dəqiqə forma geyinmək şansı qazanıb.
HƏBİB / SPORTİNFO.AZ
