Premyer Liqada əldə etdiyi son 3 qələbənin «Neftçi»nin futbolçularına nə qədər pul qazandırması məlum olub.
Sportinfo.az-ın klubdan əldə etdiyi məlumata görə, çempionluq şansını axırıncı tura saxlayan komanda üzvlərinə 5000 manat ödənilib.
Belə ki, «Keşlə» (3:0) və «Səbail» (4:0) üzərində qalibiyyətə görə oyunçulara 3000 manat verilib. «Sumqayıt»la səfər matçında qeydə alınan 1:0 isə «ağ-qaralar»ı 2000 manat irəli salıb.
O da maraqlıdır ki, klub rəhbərliyi son matçdaan əvvəl kollektivə xəbərdarlııq edib.
Elan olunub ki, «gənclik şəhəri»ndə 3 xal qazanılmasa və «Qarabağ» növbəti çempionluğunu vaxtından əvvəl əldə eləsə, ötən 2 qələbənin mükafatı verilməyəcək. Göründüyü kimi, bu açıqlama işə yarayıb.
.jpg)
