"Düşünürəm ki, eyni səviyyədə komandalardır".
Sportinfo.az xəbər verir ki, bunu AFFA-nın icraçı vitse-prezidenti və baş katibi Elxan Məmmədov "CBC Sport" kanalına deyib.
Qurum rəsmisi Amsterdamda keçirilən UEFA Millətlər Liqasında 2020-21 mövsümünün püşkünün nəticəsini dəyərləndirib. Məmmədov C liqasının 1-ci qrupunda qərarlaşan yığmamızın Lüksemburq, Kipr və Monteneqroya rəqib olmasına münasibət bildirib:
"Monteneqronu fərqləndirmək olar. Bir qədər güclü komandadır. Ümumilikdə bütün rəqiblər bizim səviyyəmizdə olan komandalardır. Yaxşı mübarizə olacaq. Onların hamısı ilə oynamaq olar".