Cəmi 11 il peşəkar səviyyədə futbol oynamasına baxmayaraq, "idmanın şahı"nı zədə üzündən vaxtsız tərk edən Marko van Basten bu gün də dillər əzbəridir.
Sportinfo.az xəbər verir ki, niderlandlı əfsanə daha çox 1988-ci ilin Avropa çempionatının finalında SSRİ-nin qapıçısı Rinat Dasayevə vurduğu möhtəşəm qolla yaddaşlarda qalıb.
Lakin canlı əfsanəni sevdirən başqa bir qol da var. Bu, 1986-cı ildə Niderland çempionatının "Ayaks" - "Den Boş" görüşündə qeydə alınıb. Məhz 33 il əvvəl, noyabrın 9-da van Bastenin akrobatik zərbə ilə vurduğu qolu yaşlı nəsil daha yaxşı xatırlayar.