Azərbaycanlı xanımla ona görə ailə həyatı qurub ki…

17 Oktyabr 17:00 Keşlə 781
Azərbaycanlı xanımla ona görə ailə həyatı qurub ki…

Son 3 tur «Keşlə»nin istədiyi məcrada keçdi.

Əvvəlcə gözlənilmədən «Qarabağ»dan xal qopardılar.

Onadək məğlubiyyətləri sıralayan komanda «Qarabağ»la qollu heç-heçə edəndən sonra payızın həzin havasından güc aldı, ardınca «Sabah»ın, indi də «Səbail»in öhdəsindən gəldilər.

Daha əvvəldən bəlli idi ki, «Keşlə» son sırıalar uğrunda mübarizə aparmamalıdır və aparmayacaq. Heç nə yox, sadəcə, düzgün yanaşma lazımdır.

Həm rəhbərlik, həm də məşqçilər korpusu tərəfindən.

Axır iki qələbə hələ o cür anlaşılmasın ki, «Keşlə»də futbolun doğrularına riayət olunmağa başlayıb. «Sabah» və «Səbail»lə oyunlar fikirləri azdırmamalıdır - bu nəticələrin davamı ikinci dövrədə də gələrsə, yalnız o halda işlərin tədricən qaydasına düşməsindən danışmaq olar.

Sənan Qurbanov gərək bundan belə futbolçularını yerli-yersiz tənqid etməsin. Onlar bədbəxlik adasına düşüb də, özlərini xoşbəxt kimi göstərən çarəsiz kimsələr kimi əllərindən gələni edir, mübarizə aparırlar.

Başda Anatole Abanq olmaqla. Kamerunlu hücumçunun birillik müqaviləsi dekabrda qurtaracaq. Abanq «Keşlə»nin ən bahalı futbolçusudur, ayda 10 min dollar qazanıır.

Afrikalı legioner Azərbaycanda qalmaq, hələ uzun illər burada yaşamaq istəyir. Abanqın azərbaycanlı xanımla ailə həyatı qurması bu mənada təsadüfi sayılmamalıdır.

O. müqaviləsinin bitmək üzrə olduğu bir ərəfədə qolları sıralayır ki, «Keşlə»dən yaxşı təklif alsın. Ya da başqa bir yerli klubdan.

SPORTİNFO.AZ

Digər Xəbərlər
Xəbər Lenti