“Yuventus”un sabiq qapıçısı Canluici Buffon UEFA Çempionlar Liqasının üç finalında məğlubiyyətinin ədalətli olduğunu düşünür.
Sportinfo.az xarici KİV-ə istinadən xəbər verir ki, italiyalı keçmiş qolkiper bunun “Yuventus” azarkeşləri üçün üzücü olduğunu bildirib:
“Finalda qalib gəlməli olan komandalar həqiqətən də bunu haqq edənlərdir. Bu dəfə də PSJ və ya “İnter” – kim daha çox haqq edirsə, o da qalib gələcək.
Mən Çempionlar Liqasında üç finalda uduzmuşam və açıq deyə bilərəm ki, biz heç birində qələbəyə layiq deyildik.
“Real”la oyunda uduzmağı haqq edirdik, “Barselona” ilə matçda isə bir imkanımız olmuşdu…
“Yuventus” azarkeşləri üçün bu üzücüdür, amma mənim üçün bu heç nəyi dəyişmir. Sadəcə olaraq, həmin an rəqiblər bizdən daha güclü idilər”.
Buffon “Yuventus”un heyətində 2003-cü ildə “Milan”la (0:0, penaltilərlə 2:3), 2015-ci ildə “Barselona” ilə (1:3) və 2017-ci ildə “Real”la (1:4) oynadığı final matçlarında məğlub olub.
