“Milan”ın baş məşqçisi Serjio Konseysao gələcəyi ilə bağlı suala cavab verməkdən imtina edib.
Komanda ötən gün İtaliya kubokunun finalında “Bolonya”ya 0:1 hesabı ilə məğlub olub.
Sportinfo.az xəbər verir ki, portuqaliyalı çalışdırıcı “La Gazzetta dello Sport” nəşrinə bunu deyib:
“Çempionatı layiqincə başa vurmalıyıq, sonra bu barədə danışarıq”.
Konseysao 30 dekabr 2024-cü ildə “Milan”ın “sükanı arxasına” keçib və dərhal komandaya İtaliya superkubokunu qazandırıb.
Ancaq daha sonra bəzi futbolçular onun məşqçilik metodlarından narazı qaldıqları üçün komandadan ayrılıblar.
“Milan” A Seriyasında mövsümün sonuna iki tur qalmış 60 xalla turnir cədvəlinin 8-ci pilləsində qərarlaşıb.
