İspaniya çempionatının 10-cu turunda baş tutacaq "El Klasiko"nun dəqiq tarixi nəhayət, müəyyənləşdirilib.
Sportinfo.az xəbər verir ki, La Liqanın Təşkilat Komitəsi "Real"la "Barselona" arasındakı əzəli və əbədi rəqabətin növbəti "seriyasını" dekabrın 18-nə təyin edib.
Təqvimə əsasən, barışmaz tərəflərin 243-cü dueli oktyabrın 26-da “Nou Kamp”da baş tutmalı idi. Ancaq oyun Barselonadakı etiraz aksiyaları səbəbindən təxirə salınıb.