“Barselona”nın hücumçusu Robert Levandovski yaxın günlərdə gələcəyi ilə bağlı yekun qərarını verəcək.
Sportinfo.az xarici KİV-ə istinadən xəbər verir ki, 37 yaşlı forvard mövqeyini 17 mayda baş tutacaq “Betis”lə oyuna qədər müəyyənləşdirməyi planlaşdırır.
Bu matç Kataloniya klubunun mövsümdəki son ev qarşılaşması olacaq.
Bildirilir ki, Levandovskinin agentləri artıq Səudiyyə Ərəbistanının iki klubu ilə danışıqları irəli mərhələyə daşıyıb və hazırda futbolçunun karyerasını məhz bu liqada davam etdirməsi ehtimalı yüksək görünür.
Polşalı hücumçunun “Barselona” ilə müqaviləsinin müddəti gələn ayın sonunda başa çatacaq.
Daha əvvəl klubun təklif etdiyi şərtlərin onu qane etmədiyi, həm maliyyə, həm də oyun vaxtı baxımından ehtiyat oyunçu rolunu qəbul etmək istəmədiyi bildirilmişdi.
