Belçika millisi DÇ-2022-yə ciddi itki ilə başlayacaq.
Sportinfo.az xəbər verir ki, omba nahiyəsində ağrıaları olan Romelu Lukaku yığmanın ilk iki oyununu buraxmalı olacaq.
Təcrübəli hücumçu noyabrın 23-də Kanada və noyabrın 27-də Mərakeşlə keçiriləcək qrup oyunlarında iştirak edə bilməyəcək.
Onun qrupun son matçına - Xorvatiya ilə görüşə qədər hazır olacağı gözlənilir.
"İnter"in hücumçusu Belçika millisində 102 oyuna 68 qol vurub.
