“Barselona” “Valensiya”nın yarımmüdafiəçisi Karlos Soleri transfer etməyəcək.
Sportinfo.az xəbər verir ki, Kataloniya klubunun nümayəndələri 25 yaşlı ispaniyalı futbolçu ilə iki aydır əlaqə saxlamalarına və razılıq əldə etmələrinə baxmayaraq, onun transferi üçün “Valensiya”ya təklif etməyəcəklərini bildiriblər.
Transferin alınmamasının səbəbi kimi Solerin şəxsi tələbləri göstərilir.
Futbolçunun xarici klublardan təklif gözlədiyi qeyd edilir.
Eyni zamanda, Solerə “Atletiko” və “Sevilya” da ciddi maraq göstərir.
Soler ötən mövsüm “Valensiya”nın heyətində 38 oyunda 12 qol vurub və 5 məhsuldar ötürmə edib. Onun klubla müqaviləsi 30 iyun 2023-cü ilə qədərdir.
