“Real”ın yarımmüdafiəçisi Eden Hazard PSJ-nin hücumçusu Kilian Mbappenin İspaniya klubuna keçməməsindən məmnun olduğunu bildirib.
Sportinfo.az xəbər verir ki, belçikalı “Real”da daha çox oynamaq üçün mübarizə aparacağını deyib:
“Kilianla ilk 11-liyə düşmək üçün mübarizə aparmaq çətin olardı, bu, dəqiqdir. Mən yenə də “Real”da qalacam.
Əminəm ki, indi ən yaxşı səviyyəmə qayıtmaq və meydanda kifayət qədər oyun vaxtı əldə etmək imkanım var. Mən hələ də işimi başa çatdırmaqdan çox uzağam”.
Hazard bu mövsüm “Real”ın heyətində bütün turnirlərdə 23 oyun keçirib, bir qol vurub, iki məhsuldar ötürmə edib.
