“Real”ın yarımmüdafiəçisi Luka Modriç Madrid klubunun baş məşqçisi Karlo Ançelotti haqda fikirlərini bölüşüb.
Sportinfo.az xəbər verir ki, Modriç Ançelottini tarixin ən yaxşı məşqçilərindən biri hesab edir:
“Ançelotti futbol tarixinin ən yaxşı məşqçilərindən biridir. Onun ən çox diqqət çəkən cəhəti şəxsiyyətidir.
Ən yaxşı cəhəti isə həyat tərzi, təvazökarlığı, insanlara münasibəti, futbolçularla maraqlanması, onlarla danışıq tərzidir.
Təbii ki, “Real”da belə gözəl ab-hava həm də onun sayəsindədir. Ümid edirəm ki, bu mövsüm ən yaxşı şəkildə başa çatacaq və bu da Ançelotti sayəsində olacaq”.
“Real” və “Liverpul” arasında Çempionlar Liqasının final oyunu mayın 28-də keçiriləcək.
