İngiltərə Premyer Liqasında XVII tura start verilib. Sportinfo.az xəbər verir ki, açılış oyununda lider "Liverpul" evdə "Uotford"u qəbul edib.
Yurgen Kloppun komandası autsayderə 2 cavabsız qolla qalib gəlib. Hər iki qolun müəllifi Məhəmməd Salah olub. Misirli hücumçu 38 və 90-cı dəqiqələrdə fərqlənib.
Bu nəticədən sonra xallarının sayını 49-a çatdıran "Liverpul" liderliyini möhkəmlədib. "Uotford"un isə 9 xalı var.
