Unay Emerini istefaya göndərən "Arsenal" uğursuzluq zolağından çıxa bilmir.
Sportinfo.az xəbər verir ki, məşhur isveçli yarımmüdafiəçi Fredrik Lyünberqə tapşırılan London klubu Premyer Liqanın 14-cü turunda autsayder "Norviç" səfərində 1 xalı güclə qazanıb - 2:2.
"Topçular" Premyer Liqadakı qələbəsiz seriyanın sayını 6-ya çatdırıb. Londonluların Avroliqada son 2 matçda da qələbə qazana bilmədiyini nəzərə alsaq, uğursuz seriya 8 oyuna çatıb. Bu, "Arsenal"ın son 25 ildə - 1994-cü ilin dekabr ayından bu yana ən pis göstəricisidir.
Hazırda "Arsenal" 14 turdan sonra 19 xalla 8-ci pillədə qərarlaşıb.
