Bu gün İngiltərə Premyer Liqasında möhtəşəm oyun olacaq.
Sportinfo.az xəbər verir ki, XII turun son matçında "Liverpul" və "Mançester Siti" klubları üz-üzə gələcəklər. Prinsipial görüş öncəsi mersisaydlılar 31 xalla zirvədə, liderdən 6 xal az toplayan "şəhərlilər" isə 4-cü pillədədirlər. Xosep Qvardiolanın komanda çətin səfərdə qalib gəlib fərqi azaltmaq, Yurgen Kloppun başçılıq etdiyi kollektiv isə ilk sıradakı yerini daha da möhkəmlətmək iddiasındadır.
"Liverpul"a məxsus "Enfild" stadionunda keçiriləcək bu maraqlı və gərgin qarşılaşma Bakı vaxtı ilə saat 20:30-da başlayacaq.