“Styaua”nın hücumçusu Florinel Koman son vaxtlar Avropanın nəhəng klublarının diqqətini çəkə bilib.
Sportinfo.az xəbər verir ki, 21 yaşlı futbolçunun xidmətində maraqlı olan klublardan biri də “Mançester Siti”dir. "Şəhərlilər" PSJ-nin və Fransa millisinin aparıcı üzvü olan Kilian Mbappe ilə müqayisə edilən Komanı qışda transfer etmək istəyir. Rumın "Vest Hem” və “Roma”nın da transfer siyahısında yer alır.
Karyerasına 2014-cü ildə “Vitorul”da başlayan Koman üç il sonra “Styaua”ya keçib. Cari mövsüm Rumıniya liqasında 11 oyuna 6 qol vuran hücumçu Rumıniyanın U-21 yığmasının üzvüdür.
