İngiltərə Premyer Liqasının 10-ci turunda maraqlı fakt qeydə alınıb.
Sportinfo.az xəbər verir ki, səfərdə autsayder "Norviç"i 3:1 hesabı ilə məğlub edən "Mançester Yunayted" Premyer Liqa tarixində 2000 qol həddinə çatmış ilk komanda olub.
"Qırmızı şeytanlar"ın Premyer Liqada ilk qolunu 1992-ci ildə Mark Hyuz vurub. 500-cü qol 1999-cu ildə Endi Koul, 1000-ci qol 2005-ci ildə Kriştiano Ronaldo və 1500-cü qol 2011-ci ildə Dimitar Berbatovun aktivinə yazılıb.
2000-ci qolun müəllifi isə "Norviç"lə matçda Skott Maktominay olub.