“Mançester Yunayted”in müdafiəçisi Tayrell Malasiya karyerasını Türkiyədə davam etdirmək istəmir.
Sportinfo.az xarici KİV-ə istinadən xəbər verir ki, niderlandlı futbolçunun icarə əsasında “Eyüpspor”a keçidi müzakirə olunub.
Klublar razılığa gəlməyə hazır olublar, ancaq oyunçunun özü Türkiyə çempionatına transferi rədd edib.
26 yaşlı futbolçunun “qırmızı şeytanlar”la müqaviləsinin müddəti 2026-cı ilin yayına qədərdir. Onun bazar dəyəri hazırda 8 milyon avro təşkil edir.
O, ötən mövsümün ikinci yarısını icarə əsasında PSV-də keçirib və Erediviziyada 8 matçada iştirak edib.
