“Mançester Yunayted”in sabiq forvardı Pak Çji Sun məşqçi karyerasına İngiltərədə başlayıb.
Sportinfo.az xəbər verir ki, o, KPR-i çalışdıracaq.
40 yaşlı koreyalı mütəxəssis klub saytına fikirlərini bildirib:
“Karyeram ərzində futbolçu və məşqçilərdən çox şey öyrənmişəm. Çoxları hesab edir ki, məşqçi olmaq elə futbolçu olmaqla eynidir.
Amma deməliyəm ki, bunlar ayrı-ayrı işdir. Məşqçi işləmək təkcə taktika deyil, həm də komandadaxili ünsiyyət və hər bir oyunçuya təsir etmək bacarığı deməkdir”.
Pak Çji Sun MY-ni tərk etdikdən sonra 2 mövsüm KPR-in şərəfini qoruyub. O, karyerasını 2014-cü ildə bitirib.
