İngiltərə Premyer Liqasında peyvənd olunmaq istəməyən futbolçulara qarşı cəza tədbiri planlaşdırılır.
Sportinfo.az xəbər verir ki, klublar peyvənd olunmaq istəməyən futbolçuların məvaciblərinin azaldılması məsələsini müzakirə edirlər.
Bu addımın atılmasını Premyer Liqada yoluxma sayının artması labüd edir. Dekabrın 6-12-si aralığında futbolçular və klub əməkdaşları arasında 42 yoluxma faktı müəyyən olunub.
Premyer Liqada həftəlik yoluxma sayının açıqlanmasına başlandıqdan bəri, bu, ən yüksək göstəricidir.
Artıq yoluxma sayının çox olması ucbatında “Tottenhem”in 2 qarşılaşması və “Brenford”-“Mançester Yunayted” oyunu təxirə salınıb.
