“Mançester Yunayted”in sabiq futbolçusu Patris Evra İngiltərə klubunun rəhbərliyini Ule Qunnar Sulşeri istefaya göndərməsinə görə tənqid edib.
Sportinfo.az xəbər verir ki, fransalı "qırmızı şeytanlar"ın rəhbərliyi barədə bunları deyib:
"Bu, artıq sirkə çevrilməyə başlayıb. Klub daha neçə məşqçi dəyişəcək? Biz bilmirik ki, Ralf Ranqnik 6 ay burada olacaq, sonra başqası gələcək ya, yox.
Bu, müvəqqəti olan və sonra üç illik müqavilə imzalayan Sulşerlə bağlı baş verdi”.
Evra 2006-2014-cü ildə "Mançester Yunayted"də çıxış edib.
