I Liqada ikinci mövsümünə hazırlaşan «Şimal» baş məşqçi dəyişikliyinə gedib.
Xaçmaz təmsilçisi Namiq Allahverdiyevə tapşırılıb.
«B» kateqoriyalı mütəxəssislə 1 illik müqavilə imzalanıb.
«Sabah»ın akademiyasında işləmiş Allahverdiyevin qarşısına komandanı çempionatda saxlamaq vəzifəsi qoyulub.
Şimal bölgəsinin klubu ötən sezon pley-off oynayaraq, liqada qalıb.
Belə ki, mövsümün əsas bölümünü 11-ci pillədə başa vuran «Şimal» II Liqada ikinci yeri tutmuş «Qaradağ Lökbatan»la üz-üzə gəlib. Şamaxıda keçirilən qarşılaşmada 2:1 hesabıyla qalib gələn kollektiv məqsədinə çatıb.
SPORTİNFO.AZ
