“Liverpul”un niderlandlı vingeri Kodi Qakponun komandadan ayrılması sual altına düşüb.
Sportinfo.az xarici KİV-ə istinadən xəbər verir ki, “qırmızılar”ın PSJ-dən Bredli Barkolanı transfer etməsi Qakponun yaxın zamanda “Tottenhem”, “Mançester Siti” və ya digər kluba keçəcəyi anlamına gəlmir.
Mersisayd klubu 26 yaşlı futbolçunu yalnız transfer pəncərəsi bağlanana qədər – 1 sentyabra kimi daha bir vinger transfer edə biləcəyi halda satmağa hazırdır.
Bildirilir ki, hazırda “Liverpul”un daha bir cinah oyunçusu transfer etməsi ssenarisi az ehtimal olunan variant kimi qiymətləndirilir.
“Liverpul” bu gün İngiltərə Premyer Liqasının 2-ci turunda “Nottingem Forest”i qəbul edəcək. Qarşılaşma saat 17:30-da start götürəcək.
.jpg)
