“Mançester Yunayted”in qapıçısı David De Xea Premyer Liqanın 12-ci turu çərçivəsində “Uotford”a 1:4 hesablı məğlubiyyətindən sonra azarkeşlərdən üzr istəyib.
Sportinfo.az xəbər verir ki, ispaniyalı kiper uğursuz oyunu bu cür dəyərləndirib:
“Deməyə söz yoxdu. “Mançester Yunayted”in oyununu izləmək asan deyildi. Bu isə qəbuledilməzdi.
Məşqçini və ya heyəti günahlandırmaq asandır, amma bəzən futbolçular daha çox şey göstərməli olur. İlk hissədə 4 qol buraxdıq. Kabusdan sonra kabus oldu.
Oyunlardan da görmək olar ki, bu, çox aşağı səviyyədi. Bir daha azarkeşlərdən üzr istəyirəm. Bu “Mançester Yunayted” deyil, belə oynaya bilməzsən”.