Azərbaycanda bu qərar qanuniləşdi - ƏDV ilə bağlı şad xəbər!

8 Dekabr 2023 13:50 Hadisə 605
Azərbaycanda bu qərar qanuniləşdi - ƏDV ilə bağlı şad xəbər!

Vergi Məcəlləsinə nəzərdə tutulan dəyişikliklə ölkə vətəndaşlarının “ƏDV geri al” mexanizmi üzrə əldə etdiyi gəlirlərin vergidən azad olunması qanuniləşib.

Bu il və əvvəlki dövrlərdə də bu gəlirlərə vergilər tətbiq olunmurdu, çünki dövlət bu sahədə təşviq siyasəti həyata keçirirdi.

Vergi Məcəlləsinə təklif edilən dəyişikliyə əsasən, həmin gəlirlərin vergidən azad olunması artıq qanuniləşir və onun hüquqi bazası formalaşır.

Xatırladaq ki, ƏDV-nin geri qaytarılması layihəsi üzrə ticarət və ictimai iaşə obyektlərində, tibb müəssisələrində və özəl tibbi praktika ilə məşğul olan fiziki şəxslərə ödənilmiş ƏDV məbləğinin nağdsız ödənişlər üzrə 17,5 faizi, nağd ödənişlər üzrə 5 faizi, işğaldan azad edilmiş ərazilər daxilində mehmanxanalarda (hotellərdə) ödənilmiş ƏDV məbləğinin isə nağdsız ödənişlər üzrə 30 faizi, nağd ödənişlər üzrə 5 faizi geri qaytarılır.

Digər Xəbərlər
Xəbər Lenti